El Xardín de les Delicies
Pasiar pel Botánicu ye una relaxante esperiencia que nos dexa conocer suxerentes plantes y árboles de la qu’ alendamos aire puro. Ye únicu na so especie. Supo conxugar el so asitiamientu atlánticu con una visión global ya internacional, lo que dexa compaxinar un espaciu específicu apegáu al tarrén, nel qu'apaecen les especies típiques de la zona, aquelles que meyor s'aclimataron a esta granible tierra, con plantes y matos universales que tienen de tar presentes en cualesquier recintu d'esti estilu. Ye aptu pa profanos y pa especialistes, porque ta organizáu en cuatro grandes fasteres, polo que vamos descubrir carbayos y fayes nel Entornu Cantábricu, camelies y bonsáis de camín al Xardín de La Isla, vamos goler na panera de la Factoría Vexetal y vamos reparar n’abetos y salgueres nel Itinerariu Atlánticu.
El Xardín Botánicu ye un prestosu llugar, siempre distintu acordies cola estación del añu nel que lu visitemos. En primavera rescampla'l blancu de les flores, que surden cuando pasia’l caminante col so arrecendor arume. Pel branu ye multicolor, un arcu la vieya que se torna colloráu y ocre cola seronda, y que dexa’l rellume del verde rellumante pel iviernu, sobre manera prestosu dempués d'un día d'agua. Entós salen de los sos escondites les casi cien especies d'aves qu’abeyen pel Xardín, qu’ayuden colos sos gazníos y distintos soníos a crear un clima especial. Si usté ye amigu de zancudos, coríos y demás propietarios de picu y pata, el segundu domingu de cada mes organícense visites guiaes a los sitios onde viven, con esplicaciones del coleutivu “Carbayera d'El Tragamón”.
El Botánicu ye sabrosu y con tastu, porque a cada pasu vamos topar un frutu distintu. Ye un ecosistema intelixente en constante movimientu. El branu ye’l momentu del floriamientu de les gramínees, que nos dexa ver en tol so rellumu a miscanthus y penisetos. Les hortensies amuesen nestos meses la so guapa flor, que va competir cola nota de color que ponen los agapantos. Mientres, van poder reparar na plantación de tomates, pepinos, calabaces o sandíes, que florien al tiempu de la recoyida del trigu, la cebada, les mazanes o los piescos, unos porque yá crecieron abondo y otros porque maduraron.
El Xardín Botánicu ye una aventura prestosa na que van esfrutar grandes y pequeños. Ye ideal pa esfrutalo solu, a manera de reflexón, inclusive con un llibru na mano yá que podemos sentanos nos bien de bancos qu’hai nel camín, y puede ser una prestosa opción familiar, pa que los neños y neñes gocien especialmente d'esti llugar.
El Xardín Botánicu de Xixón ufierta un cientu d'actividaes complementaries. Ún de los programes de más ésitu nesta dómina ye “Vacaciones nel Botánicu”, una riestra d'actividaes pa neños y neñes d'ente 6 y 12 años que-yos dexa convertise nos meses de xunetu y agostu en xóvenes xardineros y xardineres, llabradores y esploradores, daqué que supón toa una aventura. Demientres la selmana que dura la esperiencia van atopar ayalgues, van llantar biltos, van crear percorríos, too ello mientres afayen nueves especies y afonden na conocencia de la naturaleza.
El Botánicu ye sabrosu y con tastu, porque a cada pasu vamos topar un frutu distintu. Ye un ecosistema intelixente en constante movimientu. El branu ye’l momentu del floriamientu de les gramínees, que nos dexa ver en tol so rellumu a miscanthus y penisetos. Les hortensies amuesen nestos meses la so guapa flor, que va competir cola nota de color que ponen los agapantos. Mientres, van poder reparar na plantación de tomates, pepinos, calabaces o sandíes, que florien al tiempu de la recoyida del trigu, la cebada, les mazanes o los piescos, unos porque yá crecieron abondo y otros porque maduraron.
El Xardín Botánicu ye una aventura prestosa na que van esfrutar grandes y pequeños. Ye ideal pa esfrutalo solu, a manera de reflexón, inclusive con un llibru na mano yá que podemos sentanos nos bien de bancos qu’hai nel camín, y puede ser una prestosa opción familiar, pa que los neños y neñes gocien especialmente d'esti llugar.
El Xardín Botánicu de Xixón ufierta un cientu d'actividaes complementaries. Ún de los programes de más ésitu nesta dómina ye “Vacaciones nel Botánicu”, una riestra d'actividaes pa neños y neñes d'ente 6 y 12 años que-yos dexa convertise nos meses de xunetu y agostu en xóvenes xardineros y xardineres, llabradores y esploradores, daqué que supón toa una aventura. Demientres la selmana que dura la esperiencia van atopar ayalgues, van llantar biltos, van crear percorríos, too ello mientres afayen nueves especies y afonden na conocencia de la naturaleza.
Comparte:
