El cine más ablucante del añu na tercer edición de la Competición Especial Rellumes
La tercer edición de Rellumes empecipia la competicón del cine más ablucante del añu.
El públicu de 49 FICXixón, qu’otra vuelta va escoyer la película ganadora colos sos votos, va tener diez miraes que percuerren el panorama cinematográficu internacional, convirtiéndose nuna alternativa a la Seición Oficial del propiu Festival, teniendo como referencia la Quincena de los Realizadores de Cannes o la seición Orizzonti de la Biennale di Venezia.
Los títulos de Rellumes van más p’alló de los temes convencionales y escubren nellos una frescura poco normal, títulos de cinematografíes tán alloñaes como les de Congo, Australia o Tailandia, o películes qu’enconten el fuerte emburrión del Este, con películes como Avé, Eighty Letters y Punk’s Not Dead. Esta seición tamién amuesa los trabayos de xóvenes promeses del cine européu como Celine Sciamma o Jessica Krummacher, y d’un maestru como Aleksey Balabanov que presenta en Xixón la so cabera película, The Stoker. El cine español ta representáu pol documental Hollywood Talkies, dirixíu por Oscar Pérez y Mía de Ribot.
Hollywood Talkies ye un documental que surde del Máster en Documentación de Creación de la Universidá Pompeu Fabra. Producíu por Luis Miñarro (ganador de la Palma d’Oru en Cannes 2010), presentóse en Venecia y rescata la historia de los actores españoles que nos años 30 marcharon a Hollywood pa protagonizar versiones nel nuestru idioma de películes que se facíen n’Estaos Xuníos, y que tornaron años depués, ensin triníu, a un país metíu dafechu nuna guerra civil.
Aleksey Balabanov (Ekaterimburgo, Rusia, 1959) ganó’l premiu al meyor direutor nel 45 FICXixón cola dura Cargo 200 y la 47 dedicó-y una retrospeutiva que foi ún de los ésitos d’aquel certame. El realizador torna agora a Xixón pa competir col so caberu llargumetraxe, The Stroker, una visión esmolecedora y violenta sobre la desintegración de la URSS al traviés de la vida d’un veteranu d’Afganistán retiráu que ye l’encargáu de curiar de la caldera d’un vieyu edificiu de San Petersburgu que, ye amás, la incineradora doméstica d’un mafiosu. La película aporta al festival dempués de tar en Rótterdam y ganar dos premios del GoEast de Cine d’Europa Central y del Este y delles nominaciones a los Nika del cine rusu.
El puxu del nuevu cine del Este apaez claro con títulos como Eighty Letters, de Václav Kadrnka (Zlín, República Checa, 1973), película que pasó con ésitu per Berlín y Karlovy Vary, y que ganó nel festival Finalé. El direutor usa fuentes propies pa rodar esti retratu realista del ambiente de los años ochenta: les cartes que s’unviaron la ma y el pá cuando ésti marchó a trabayar al Reinu Xuníu, y los socedíos pelos que pasó un Vaclav adolescente hasta que la familia pudo volver a xuntase.
Vladimir Blazevski (Skopje, 1955) estrénase en Xixón con Punk’s Not Dead, candidata al Oscar por Macedonia a la Meyor Película en Fala non Inglesa y ganadora na cabera edición de Karlovy Vary. Esta comedia negra amuesa los esfuercios d’un punk yá mayor por volver a xuntar la so vieya banda pal so caberu conciertu.
Y dende Bulgaria aporta’l primer llargumetraxe de Konstantin Bojanov, Avé, película descubierta na Selmana de la Crítica de Cannes y que ganó’l Premiu Especial del Xuráu en Sarayevo. Ambientada en Bulgaria, y ente una road movie y una historia de flechazu al azar, el direutor pon nel camín de la manipuliera Avé, que fuxó de casa con 17 años, a un minga fría, autoestopista accidental.
Na competición tamién acueye’l caberu llargumetraxe d’una de les promeses más sólides del cine francés: Celine Sciamma (Pontoise, Francia, 1980), coguionista de Ivory Tower, títulu mui aplaudíu en Rellumes l’añu pasáu. La direutora, nominada a los Cesar pola so ópera prima, Naissance des pieuvres, convenció en Berlín con Tomboy, ganando’l Premiu Teddy del Xuráu. El títulu fai referencia a les neñes o moces a les que-yos presta actuar como mozos, y que va más lloñe que la renomada Boys Don’t Cry, cola que Hilary Swank ganó bien de premios, ente otros, a la Meyor Actriz nel FICXixón amás del Oscar.
Rellumes tamién va tener a otra xoven promesa del cine européu, Jessica Krummacher cola so ópera prima Totem, que participó na Selmana de la Crítica de Venecia. Siguiendo les llinies marcaes por direutores como Michael Haneke o Harmony Korine, la realizadora alemana retrata la rutina d’una alloriada familia del Ruhr al traviés de la mirada d’una nueva criada.
Y si’l nuevu cine del Este pisa con ganes, tampoco queden atrás filmografíes d’otros continentes, como Viva Riva!, de Djo Tunda Wa Munga, primer producción de la República Democrática del Congo, que depués d’algamar el reconocimientu de la crítica en Berlín, BAFICI y Toronto, ganó seis premios de L’Academia Africana y un MTV. La estrena de Djo Tunda, únicu productor de cine de Kinshasa, ye un esmolecedor llargumetraxe sobre los peores sitios de la capital congoleña, con una ablucante banda sonora con soníos tradicionales y de vanguardia electrónica local.
Y de los mafiosos de Kinshasa a los d’una comunidá aborixe en Nueva Gales del Sur, del australianu Ivan Sen (Queensland, 1972). De sangre gamilaroi, esti direutor premiáu en Berlín y Clermont-Ferrand presenta nel FICXixón Toomelah depués de pasar per Un certain Regard de Cannes, historia centrada nun neñu de diez años que vive nuna reserva apartada y que nagua por formar parte de la mafia local.
Dende Tailandia aporta Kongdej Jaturanrasmee y la so afamada P-047, que pasó con nota pel Orizzonti de Venecia y ta consideráu como ún de los meyores filmes asiáticos del añu y ta convirtiéndose yá nun fenómenu de cultu. Historia enllena d’inesperaos xiros narrativos na que’l direutor propón una reflexón al rodiu del poder de la imaxinación pa convertise primero en memoria y más tarde en verdá, y fáilo al traviés de dos buxos personaxes que se cuelen en cases ayenes pa tomar emprestaes les vides d’otros per unes hores.
Los títulos de Rellumes van más p’alló de los temes convencionales y escubren nellos una frescura poco normal, títulos de cinematografíes tán alloñaes como les de Congo, Australia o Tailandia, o películes qu’enconten el fuerte emburrión del Este, con películes como Avé, Eighty Letters y Punk’s Not Dead. Esta seición tamién amuesa los trabayos de xóvenes promeses del cine européu como Celine Sciamma o Jessica Krummacher, y d’un maestru como Aleksey Balabanov que presenta en Xixón la so cabera película, The Stoker. El cine español ta representáu pol documental Hollywood Talkies, dirixíu por Oscar Pérez y Mía de Ribot.
Hollywood Talkies ye un documental que surde del Máster en Documentación de Creación de la Universidá Pompeu Fabra. Producíu por Luis Miñarro (ganador de la Palma d’Oru en Cannes 2010), presentóse en Venecia y rescata la historia de los actores españoles que nos años 30 marcharon a Hollywood pa protagonizar versiones nel nuestru idioma de películes que se facíen n’Estaos Xuníos, y que tornaron años depués, ensin triníu, a un país metíu dafechu nuna guerra civil.
Aleksey Balabanov (Ekaterimburgo, Rusia, 1959) ganó’l premiu al meyor direutor nel 45 FICXixón cola dura Cargo 200 y la 47 dedicó-y una retrospeutiva que foi ún de los ésitos d’aquel certame. El realizador torna agora a Xixón pa competir col so caberu llargumetraxe, The Stroker, una visión esmolecedora y violenta sobre la desintegración de la URSS al traviés de la vida d’un veteranu d’Afganistán retiráu que ye l’encargáu de curiar de la caldera d’un vieyu edificiu de San Petersburgu que, ye amás, la incineradora doméstica d’un mafiosu. La película aporta al festival dempués de tar en Rótterdam y ganar dos premios del GoEast de Cine d’Europa Central y del Este y delles nominaciones a los Nika del cine rusu.
El puxu del nuevu cine del Este apaez claro con títulos como Eighty Letters, de Václav Kadrnka (Zlín, República Checa, 1973), película que pasó con ésitu per Berlín y Karlovy Vary, y que ganó nel festival Finalé. El direutor usa fuentes propies pa rodar esti retratu realista del ambiente de los años ochenta: les cartes que s’unviaron la ma y el pá cuando ésti marchó a trabayar al Reinu Xuníu, y los socedíos pelos que pasó un Vaclav adolescente hasta que la familia pudo volver a xuntase.
Vladimir Blazevski (Skopje, 1955) estrénase en Xixón con Punk’s Not Dead, candidata al Oscar por Macedonia a la Meyor Película en Fala non Inglesa y ganadora na cabera edición de Karlovy Vary. Esta comedia negra amuesa los esfuercios d’un punk yá mayor por volver a xuntar la so vieya banda pal so caberu conciertu.
Y dende Bulgaria aporta’l primer llargumetraxe de Konstantin Bojanov, Avé, película descubierta na Selmana de la Crítica de Cannes y que ganó’l Premiu Especial del Xuráu en Sarayevo. Ambientada en Bulgaria, y ente una road movie y una historia de flechazu al azar, el direutor pon nel camín de la manipuliera Avé, que fuxó de casa con 17 años, a un minga fría, autoestopista accidental.
Na competición tamién acueye’l caberu llargumetraxe d’una de les promeses más sólides del cine francés: Celine Sciamma (Pontoise, Francia, 1980), coguionista de Ivory Tower, títulu mui aplaudíu en Rellumes l’añu pasáu. La direutora, nominada a los Cesar pola so ópera prima, Naissance des pieuvres, convenció en Berlín con Tomboy, ganando’l Premiu Teddy del Xuráu. El títulu fai referencia a les neñes o moces a les que-yos presta actuar como mozos, y que va más lloñe que la renomada Boys Don’t Cry, cola que Hilary Swank ganó bien de premios, ente otros, a la Meyor Actriz nel FICXixón amás del Oscar.
Rellumes tamién va tener a otra xoven promesa del cine européu, Jessica Krummacher cola so ópera prima Totem, que participó na Selmana de la Crítica de Venecia. Siguiendo les llinies marcaes por direutores como Michael Haneke o Harmony Korine, la realizadora alemana retrata la rutina d’una alloriada familia del Ruhr al traviés de la mirada d’una nueva criada.
Y si’l nuevu cine del Este pisa con ganes, tampoco queden atrás filmografíes d’otros continentes, como Viva Riva!, de Djo Tunda Wa Munga, primer producción de la República Democrática del Congo, que depués d’algamar el reconocimientu de la crítica en Berlín, BAFICI y Toronto, ganó seis premios de L’Academia Africana y un MTV. La estrena de Djo Tunda, únicu productor de cine de Kinshasa, ye un esmolecedor llargumetraxe sobre los peores sitios de la capital congoleña, con una ablucante banda sonora con soníos tradicionales y de vanguardia electrónica local.
Y de los mafiosos de Kinshasa a los d’una comunidá aborixe en Nueva Gales del Sur, del australianu Ivan Sen (Queensland, 1972). De sangre gamilaroi, esti direutor premiáu en Berlín y Clermont-Ferrand presenta nel FICXixón Toomelah depués de pasar per Un certain Regard de Cannes, historia centrada nun neñu de diez años que vive nuna reserva apartada y que nagua por formar parte de la mafia local.
Dende Tailandia aporta Kongdej Jaturanrasmee y la so afamada P-047, que pasó con nota pel Orizzonti de Venecia y ta consideráu como ún de los meyores filmes asiáticos del añu y ta convirtiéndose yá nun fenómenu de cultu. Historia enllena d’inesperaos xiros narrativos na que’l direutor propón una reflexón al rodiu del poder de la imaxinación pa convertise primero en memoria y más tarde en verdá, y fáilo al traviés de dos buxos personaxes que se cuelen en cases ayenes pa tomar emprestaes les vides d’otros per unes hores.
Comparte:
