Estensión, población y parroquies
El cascu urbanu, que s'abre a dambos llaos del primitivu allugamientu romanu nel cerro de Santa Catalina, ocupa una superficie aproximada de 13,9 km2 - lo que supón el 7,6% de la superficie del Conceyu- na que se concentra un 90% de la población, que ye d'un total de 280.000 habitantes aproximadamente. El 10 % de la población que queda repártese peles 25 parroquies del Conceyu.
Tienen les parroquies rurales de Xixón una doble vocación; per una parte la industrial, naquelles qu'acabó sorbiendo la gran urbe y les grandes instalaciones industriales que s'asitien nel cuadrante oeste del conceyu, como Fresno, Granda, Xove, Puao, Porceyo, Roces, San Andrés de los Tacones, Tremañes, Vega, Veriña.
Per otru la residencial qu'apurre servicios d'espaciu y ociu en parroquies que como Castiello Bernueces, Cabueñes, Deva, Santurio o Somió tan pa la pica este del conceyu.
Entovía aguanten como parroquies mayormente agrícoles aquelles como Valdornón, Caldones, L'Abadía Cenero, Fano, Samartín de Güerces, Llavandera, La Pedrera, Llorio, Ruedes y Serín, les que queden más separtaes del centru urbanu.
